O persoal municipal do Concello de Cambre (A Coruña) retomará as mobilizacións “ante a falta de cumprimentos nas súas principais reivindicacións e resposta insuficiente do goberno de Diana Piñeiro tras máis de quince meses de mandato”, sinala a CIG sobre a nova rexedora, do PP.

Faino despois de que, nunha asemblea celebrada este martes, a representación do persoal trasladase os contidos da reunión mantida na xornada previa coa alcaldesa e o concelleiro responsable de Recursos Humanos. Segundo a central sindical, o goberno local “comprometeuse a levar ao pleno de outubro unha nova regulación da produtividade, pero o persoal segue sen percibir as cantidades correspondentes ao tres primeiros trimestres de 2026″, sinala, entre outras cuestións como a Relación de Postos de Traballo

Na asemblea, tamén se informou da actuación da Inspección de Traballo que, apostila, instou o consistorio a unha avaliación de riscos psicosociais antes do próximo mes de xaneiro polas situacións de incapacidade temporal.