Artistas e formacións galegas e creadoras e grupos de referencia doutras partes da península daranse cita no ciclo ‘Tándem’, promovido pola Deputación da Coruña.

A presentación do ciclo tivo lugar no Teatro Colón, lugar que acollerá os concertos do ciclo. Nela, participaron a deputada de Cultura Natividade González e as artistas Ugia Pedreira e María José Pámpano, de Gallaecia Ensemble Barroco.
A deputada de Cultura destacou que o ciclo nace “coa vontade de xerar encontros entre creadoras, linguaxes e territorios diferentes”.

O ciclo, que se desenvolverá no Colón, comezará o 3 de outubro con Neno de Elxe e que, xunto con Gallaecia Ensemble Barroco, ofrecerá “unha viaxe de emocións fortes que promete converterse nun momento histórico”, sinalouse.

Ao día seguinte, será a quenda de Chicharrón e Sara Zozaya. O 18 de outubro será a ocasión de Mercedes Peón e a catalá Clara Peya. O ciclo péchase o 25 de outubro coa Pedreira e o grupo portugués Beautify Junkyards.