Festa deportiva, máis que unha competición, é a carreira popular C10. E así se pode comprobar vendo eses sorrisos cos que corrían os máis de 500 cativ@s inscritos na cita. Un sorriso moito máis que grande que o dos gañadores, o uruguaio Nicolás Cuestas e a galega Edymar Brea.

Aguantou bastante o tempo para a celebración da proba ao longo da mañá dominical nun Parrote ateigado de familias. Paseniño, foron participando os 3.000 inscritos, dos que chegaron a meta uns 1.800.
A atención deportiva estaba nas probas absolutas, pero as emocións máis fortes foron as vividas polas familias, que viron aos seus peques competindo sobre o asfalto con simpácticas caras de velocidade.