A Deputación da Coruña publicou a licitación das obras de mellora da seguridade e renovación de pavimentos nas rúas do Concello e José Ramallo, na contorna da Casa Consistorial de Culleredo.

As obras incluirán a dotación de novos pavimentos e mobiliario urbano, así como a mellora da seguridade, dando prioridade aos peóns. O tramo de actuación ten unha superficie total de 3.500 metros cadrados, que contan con tramos de baldosa hidráulica que necesitan ser renovadas debido ao seu estado de deterioración.

Por outra banda, publicou, no Boletín Oficial da Provincia (BOP), a concesión provisional das axudas que concede para a contratación de persoal técnico deportivo nos concellos da provincia.