A Deputación da Coruña adxudicou por 115.890 euros a redacción e codirección do proxecto básico e de execución do novo edificio que acollerá o estudo audiovisual virtual que a institución provincial porá en marcha na Cidade das TIC da Coruña.
Segundo informa, o proxecto definirá a construción do inmoble que acollerá o proxecto ‘Coruña Estudo Inmersivo’ (CEI), impulsado pola Deputación cun investimento total de oito millóns de euros e cofinanciado con fondos do Plan de Recuperación do Goberno central e fondos propios da institución coruñesa.
O estudo audiovisual virtual vaise a executar na parcela 19 da Cidade do TIC, nun edificio de nova construción, cunha superficie en planta de 4.160 metros cadrados, dos cales 750 metros van estar dedicados a albergar un estudio “de características únicas en España, con capacidade para recrear calquera escenario real ou de ficción”.
Nesta localización vaise a instalar unha macropantalla LED que permitirá realizar esa función, e o resto vai estar asignado a funcións auxiliar deste estudio principal, un espazo de case 200 metros cadrados para o acceso e camerinos, vestiarios, unha sala de maquillaxe e barbaría, unha sala de figuración e tres salgas polivalentes, entre outros espazos.
