Fermosa festa da músiva a vivida esta pasada noite en Pontevedra co gallo da 10ª edición dos Premios Martín Códax da Música. O evento, artellado pola asociación de Músicas ao Vivo, é toda unha festa da música galega contemporánea, e un perfecto escaparate para que o resto do país coñezamos as novas propostas musiqueiras na nosa lingua.

Espectaculares na introdución e na guía da gala estiveron os Fran Rei e Isabel Risco, que cal Eduardo Pondal e Rosalía de Castro, rimaron, cantaron e fixeron rir ao panorama galego co viño como fío condutor.

A xornada tiña prevista a participación cun coruñés ilustre. O finado Dani Fiaño, alma da A.C. Sons de Breogán, ía ser o encargado de dar 4 premios. O seu emocionadísimo pai, Tino, acodiu na súa representación, defendendo que “a loita de Daniel pola lingua e obra pola lingua galega aí estará”. entre bágoas, Tito lembrou o percorrido de Sons de Breogán, que nacía como un Traballo de Fin de Grao, e continuou na Asociación que tanto defende a Música galega contemporánea e independente.

Aproveitou ademais, tirando de valentía, para facerlle un rogo ao Conselleiro de Cultura: “se Rosalía e Pondal saben tanto de música, da música actual galega, será porque hai moi boa canteira. Tire dela e déixese de tanto Son do Camiño internacional, e aposte por un Son do Camiño onde a música galega protagonista, sóbralle canteira”, propuxo entre os aplausos da bancada. Aquí o podedes ver:

Poucos premios, en calquera caso, para a cidade da Coruña (a meirande parte para a provincia de Pontevedra), entre os que cómpre destacar o Premio Rock e Punk a Moura.

ROCK E PUNK:
Moura pic.twitter.com/mCzYwFPQbH

— Premios Martín Códax da Música (@prmartincodax) June 7, 2023

Luz Casal, Premio Honorífico

PREMIO HONORÍFICO:
Luz Casal
(📷acompañada da Directiva de @Musicos_ao_Vivo) pic.twitter.com/TTRSb0Uwwa

— Premios Martín Códax da Música (@prmartincodax) June 7, 2023

Os Premios

Foto de familia