A Deputación da Coruña destina unha partida 60.000 euros a apoiar as vivendas de acollida do Comité Cidadán Antisida da Coruña (Casco).
Segundo informa o ente provincial nun comunicado, cofinanciaranse os gastos de persoal dunha vivenda de acollida e outras de inserción dirixidas ás persoas seropositivas e en situación de exclusión social.
A deputada en funcións de Benestar Social, Ana Lamas, e a presidenta do Comité Antisida, Begoña Pérez Vegazo, selaron o acordo. Os pisos cedidos polo Concello contan con 21 prazas e ofrécense servizos como alimentación, persoal médico e roupa.
