InicioBARRIOSA Parva acolle a exposición ‘Bosquexos no mercado’ do alumnado da EASD...

A Parva acolle a exposición ‘Bosquexos no mercado’ do alumnado da EASD Pablo Picasso

Publicada o

Por editor

A Parva, a cantina do mercado de San Agustín, acolleu este pasado venres a inauguración da exposición ‘Bosquexos no mercado’. Unha mostra colectiva composta por obras do alumnado da Escola de Arte e Superior de Deseño Pablo Picasso, que permanecerá no interior do mercado ata setembro.

Son máis dun cento de bosquexos feitos polo alumnado de 1o curso de Ilustración e Deseño Gráfico en diferentes formatos e técnicas en visitas organizadas por varios docentes á praza.

A exposición nace dos apuntes feitos no propio edificio para o estudo da perspectiva no módulo de Debuxo Aplicado á Ilustración, que imparten os profesores Carlos Alfonzo e Javier Macho, e das prácticas de traballo de campo na disciplina de Debuxo Artístico da especialidade de Deseño Gráfico, a cargo da docente Gloria R. Simón. “Moitos dos participantes nunca asistiran a clase de debuxo nin fixeran debuxo natural na rúa”, apunta o profesorado. Na mostra hai imaxes de interior e exterior do mercado, de praceiras, postos ou obxectos. Á inauguración asistiron hoxe diversos membros da comunidade escolar, entre eles, os tres profesores que guiaron ao estudantado nos traballos.

A exposición poderá visitarse no horario de apertura habitual da Parva: de luns a xoves entre as 9.00 e as 16 horas; venres, de 9.30 a 20.00 horas e os sábados, de 9.30 a 16.30 horas.

 

ÚLTIMAS

“O Dépor é da Coruña”, o novo reto normalizador do #Aquítaménsefala

Novo reto que se marca a iniciativa cultural “Aquí tamén se fala” do IES...

A Coruña mobilízase este sábado para que a vivenda deixe de ser un negocio

Quece motores esta semana a cidade para a manifestación estatal “Acabemos co negocio da...

Os recoñecementos á Defensa dos DDHH da Rede Acampa pola Paz terán cores palestinas

Vén de anunciar a Rede Acampa pola Paz, os votos que veñen de escoller...

Luz verde ao reformado proxecto das Casas de Franco

Este mércores, a Xunta de Goberno Local aprobou o reformado do proxecto das denominadas Casas...

DEIXAR UN COMENTARIO

Please enter your comment!
Please enter your name here