A madrugada do martes 22 ao mércores 23 de agosto arrincou a creación da primeira conexión peonil entre os barrios de Matrogrande e Xuxán. Os traballos para a execución desta estrutura contan cun orzamento de 1,3 millóns de euros (IVE incluído) e estarán finalizados no último trimestre do 2023.
A actuación desenvolverase en horario nocturno para evitar alteracións no tráfico ferroviario.
O horario de traballo será de 00.00 a 05.00 horas durante as próximas semanas, nas que se colocarán as vigas prefabricadas para a prolongación do túnel situado xunto á rúa eSbastián Martínez Risco, á altura do colexio Liceo La Paz.
A nova infraestrutura, composta de vigas prefabricadas, será de 70 metros de longo e os
apoios sobre os que se asentará xa están executados. Enriba irá unha lousa de tránsito peonil axardinada.
Investimento de 11,6 millóns en Xuxán
Lembran o investimento de 11,6 millóns de euros no barrio de Xuxán, así como aprobación de 11 licenzas de obra para 832 vivendas dende 2019.
Na actualidade estase a traballar na gran praza central do barrio, cunha gran parte da obra
xa executada.
