Xornada de máxima emoción a vivida onte no cemiterio de Bértoa. A Asociación para a Recuperación da Memoria Histórica (ARMH) comezaba os labores de exhumación dunha fosa común no cemiterio carballés.
A entidade investiga, a instancia dunha familia, o caso de caso de catro veciños da Coruña que foron secuestrados e asasinados en Carballo, no marco do traballo de investigación e prospección “As vítimas de Queo de Arriba”. Os corpos con feridas de bala apareceron o día 29 de setembro de 1936 no Campo de Morgade, en Queo de Arriba, e foron soterrados no cemiterio de Bértoa. Esas catro persoas eran Juan Boedo Pardo, un gasista de 28 anos; Andrés Pinilla Fraga, conserxe do Colexio de Notarios da Coruña, de 52 anos; Pedro Pinilla Calvete, mecánico de 21 anos, e Francisco Miguel Fernández Díaz, pintor, ilustrador e crítico de arte na Rúa Real da vila herculina.
A Asociación para a recuperación da memoria histórica iniciou os labores de exhumación dunha fosa común no cemiterio de Bértoa, na que espera atopar os restos de Francisco Miguel Fernández, Juan Boedo, Pedro Pinilla Calvete e Pedro Pinilla Fraga, asasinados durante o franquismo. pic.twitter.com/a8jnUdvHaR
— carballo_gal (@carballo_gal) September 19, 2023
Especialistas como Miguel Anxo Fernan Vello comparan o caso de Francisco Miguel co de “García Lorca, (aínda sen exhumar e “perdido”: toda una vergoña histórica), e co do chileno Victor Jara. Ao gran pintor coruñés o falanxismo asasino fendeulle o cranio e amputoulle as dúas mans”.
Durante a primeira xornada de excavación atoparon certos restos humanos que irán estudando.
