UGT Servizos Públicos, a área Pública de CCOO e CSIF convocaron concentracións hoxe 30 de outubro en toda España, para demandar “uns servizos públicos de calidade, incrementos salariais, máis emprego e mellora das condicións laborais para máis de tres millóns e medio de empregadas e empregados públicos”.
Na Coruña, a concentración desenvolveuse diante da Delegación do Goberno, na praza de España, no marco dunha “mobilización que responde á urxente necesidade de defender o Estado do Benestar, ameazado pola deterioración progresiva dos servizos públicos”.
Denuncian “a falta de persoal, o envellecemento dos cadros de persoal ou a desmotivación, que se traducen no malestar das persoas usuarias”, en sectores como “a Sanidade, a Educación, os Servizos Sociais ou a Xustiza”.
Os sindicatos pídenlle ao ministro Óscar López, que “se sente a negociar e atenda as xustas demandas das tres centrais sindicais”: “incrementos salariais, un incremento e mellora do emprego público e das condicións de traballo de máis de tres millóns e medio de empregadas e empregados públicos no conxunto do Estado, 177.000 en Galicia.
