Os servizos de emerxencias tamén tiveron coñecemento dun home que caeu nunha toxeira nunha zona de monte situada na parroquia de Liáns, no municipio coruñés de Oleiros.
Foi unha familiar do implicado quen contactou co 112 Galicia pouco despois das 16,00 horas para alertar de que o home a chamou para indicarlle que se atopaba ferido e perdido no monte.
Así, a central de emerxencias deu aviso aos servizos sanitarios, aos axentes da Garda Civil e da Policía Local e aos membros do Servizo de Emerxencias de Oleiros. Precisamente, foron estes últimos os que, abríndose paso entre as zarzas, rescataron ao accidentado, que foi atendido polos servizos sanitarios.
