Quixo estar o exalcalde socialista da Coruña, Paco Vázquez, na manifestación celebrada onte en Barcelona convocada por Sociedade Civil Catalá (SCC), á que se sumaron os partidos de PP e VOX. Suxeitando a Constitución na súa man, reivindicou a vixencia da Constitución e chamou a defendela, acusando os independentistas de “querer impor un modelo de sociedade, de adoutrinar e de converter as escolas en instrumento político”.
Vázquez, ao igual que os Alfonso Guerra ou Felipe González, volveu demostrar a evolución dereitista da vella garda socialista. Volvendo aos tempos das Cortes de Cádiz, mesturou nuns minutos a amnistía e autodeterminación (do que trataba a manifestación, calificados polo presidente de SCC como “atentado contra a democracia e os cimentos da convivencia”) coas malchamadas “liberdades”, os “golpistas”, “un novo Godoy”, “traidores”, “perxurio ideolóxico” ou ata “Venezuela”.
“Estamos aquí porque nos quieren robar Cataluña” e porque “nos quieren robar España”. “Non é un debate político entre constitucionalistas: é un proxecto para que uns sigan no goberno e outros avancen nos seus obxectivos independentistas e derrogar a Constitución”, sinalou Vázquez, que criticou que estas accións “deslexitiman a lei e a xustiza”.
Aínda hoxe a cantamos cando imos un pouco piripis pic.twitter.com/TCcNyaa5OB
— Carlos Meixide (@carlosmeixidefl) October 8, 2023
| MANIFESTACIÓN BARCELONA |
Francisco Vázquez, ex alcalde socialista de La Coruña y expresidente de la FEMP, contra la amnistía, Sanchez y Puigdemont.
Merece la pena escucharle. 👏🏻🇪🇸 pic.twitter.com/7XzeW9gb2R
— Pedro Pineda Celis (@pedropcelis) October 8, 2023
Impecable D. Francisco Vázquez, ex alcalde de La Coruña por el PSOE, en la manifestación de hoy contra la amnistía. Impecable. 🇪🇸 pic.twitter.com/kVBTCsNMHB
— Pablo Domínguez (@PabloDominguezM) October 8, 2023
XORNALISTAS INCREPADOS
Ao final da manifestación, algúns participantes increparon a xornalistas de TVE, TV3 e A Sexta cando tentaban conectar en directo, gritándolles ‘covardes’ e ‘manipuladores’.
O acto acabou con ‘O cant da Senyera’, o himno de España, o da Unión Europea e a canción ‘Resistiré’, do Dúo Dinámico.
