Urxencias Sanitarias atendeu este xoves un accidente de tráfico que se rexistrou no quilómetro 7 da AP-9, no Burgo, Culleredo, e en sentido Santiago.
Diversos particulares que circulaban polo lugar chamaron ao 112 Galicia pasadas as 9 horas, e informaban dun coche que se accidentou e quedou atravesado na vía. Os alertadores non podían concretar se había persoas feridas, pero si indicaron que os restos do sinistro quedaran esparexidos polo asfalto.
Desde o Centro Integrado de Atención ás Emerxencias informouse dos feitos as Urxencias Sanitarias de Galicia-061, aos Bombeiros de Betanzos, á Garda Civil de Tráfico, aos axentes da Policía Local e aos membros de Protección Civil de Culleredo, así como aos servizos de mantemento da autoestrada.
