A Policía Nacional localizou ao propietario dun mostrario de xoias valorado en 12.000 euros que fora atopado o pasado 16 de novembro por unha muller nunha rampla de acceso a un garaxe no centro da cidade da Coruña.
Segundo detallou a Policía Nacional, a muller atopouse un vulto tirado no chan e, ao abrilo, comprobou que se trataba dunha manta que contiña unha gran cantidade de xoias.
Ao día seguinte, a cidadá entregou o vulto coas xoias na Comisaría da Policía Nacional da cidade herculina. Así, os axentes comprobaron que as xoias non tiñan ningún tipo de sinal ou nome gravado que puidese facilitar a identificación do seu propietario.
A continuación, iniciaron unha investigación nos arredores do lugar onde fora atopado o mostrario para tratar de localizar ao dono.
Finalmente, lograron identificar o propietario, un representante de xoias que perdera o estoxo e que aínda non se decatou diso. A Policía entregoulle o mostrario con todas as xoias, valorado en 12.000 euros, o pasado 20 de novembro.
