Aprobaba o pasado sábado a Xunta de Goberno Local o proxecto dos orzamentos xerais do Concello da Coruña para o ano 2024. 375 millóns que contan con 93 millóns de euros en investimentos en obras na cidade, sendo 75,1 millóns de euros do capítulo de Investimentos Reais, máis 18 millóns recollidos en transferencias correntes co mesmo fin.

Ademais das 17 intervencións cofinanciadas con fondos Next Generation e xa licitadas a finais de verán, que serán executadas neste 2024, hai varios plans con fondos:

• Plan de Humanización nos Barrios na Cidade (26 millóns).
• Plan de Accesibilidade dos Barrios (5 millóns),
• Plan de Parques Infantís (5 millóns).
• Programa para equipamentos correspondentes a Centros Cívicos e Bibliotecas (2,5 millóns).

Estes son os proxectos concretos e as súas contías:

• Falperra: Obras de inicio do novo mercado de Santa Lucía (1,6 millóns).
• Cidade Vella: Finalización da restauración da Casa Veeduría.
• Novo CHUAC: aportación municipal nas obras de execución do Novo CHUAC —8 millóns de euros—
• Nova estación intermodal de San Cristovo —6,1 millóns de euros—.
• Centro: Humanización dos Cantóns entre Juana de Vega e a sede da Autoridade Portuaria (7,6 millóns).
• Sagrada Familia: Peonalización da rúa Sagrada Familia (1,1 millóns);
• Castrillón: condicionamento do espazo público entre a rúa José María Hernansáez e a praza da Concordia (1 millón de euros);
• Rosais: Urbanización do Camiño do Cura para facilitar o tránsito peonil (250.000 euros).
• Elviña: Melloras na accesibilidade ao Castro de Elviña (150.000 euros).
• Rosais: Reforma do elevador do monte de San Pedro (750.000 euros);
• Cidade Vella: Completar a reposición do sistema de climatización da Fundación Luís Seoane (600.000 euros).
• Monte Alto: Primeira fase de creación do parque do Vixía, en Monte Alto (1,2 millóns)
• Santa Margarida: Segunda fase do plan de mellora do parque de Santa Margarida (600.000 euros).
• Bens: plan de mellora das áreas caninas, con énfase na cala de Bens.
• Xuxán: construción dun edificio de 50 vivendas de protección pública (VPP) en Xuxán.
• Barrio das Flores: plan de melloras no Entorno Residencial de Rehabilitación Programado (ERRP) do Barrio das Flores (1,1 millóns)
• Novo Mesoiro: Nova Biblioteca de Novo Mesoiro así como un espazo de lecer para a mocidade (1,5 millóns)
• Palavea: Transformación do Mercado de Palavea en desuso actualmente, para reconvertilo en biblioteca municipal, cunha nova aula TIC (430.000 euros).
• Museos Científicos Coruñeses: a renovación do peche perimetral do Aquarium Finisterrae, a impermeabilización da cúpula da Casa das Ciencias e as melloras necesarias na cuberta da Domus, entre outras actuacións extra (1,5 millóns)
• Rehabilitación da Cidade Deportiva da Torre ‘Arsenio Iglesias’ e outras instalacións deportivas (1,3 millóns)