O alcalde de Cambre, Óscar García Patiño, de Unión por Cambre (UxC), foi citado a declarar como investigado por suposta prevaricación administrativa. Así o confirmaron fontes consultadas por Europa Press que explicaron que o maxistrado do Xulgado de Instrución número 5 da Coruña citouno a declarar no mes de febreiro.

O motivo, segundo ratificaron, estaría vinculado á situación da Policía Local en Cambre. Todo iso tras denuncias sobre supostos pagos irregulares a axentes desde o consitorio e tamén polo nomeamento do seu máximo responsable. Estas cuestións partiron da denuncia dunha exedil do concello e, xa con posterioridade, por parte da Fiscalía Provincial. Polo momento, desde o consistorio declinaron facer declaracións a este respecto.