O corpo dunha persoa flotando no mar na zona da Torre de Hércules foi recuperado esta tarde.

Foi un particular, que se identificou como traballador do faro romano, quen alertou arredor das 17:00h da tarde da presenza do corpo que, segundo a información facilitada, corresponde a un home.

Desde o Servizo de Salvamento Marítimo indicaron que foi o equipo de rescate dos bombeiros, que trasladou unha lancha e unha moto de auga, a que recuperou o cadáver. Do caso, fíxose cargo a Policía Nacional.