Unha decena de artistas acompañarán a Luar na Lubre no seu concerto do 26 de xaneiro no Teatro Colón da Coruña, onde presentarán o seu novo traballo. Nel, segundo informa a organización, a banda de folk interpretará cancións emblemáticas dos seus case 40 anos de traxectoria. Farao acompañada de grandes voces coas que colaboraron ao longo destas décadas.

O seu último traballo, que leva por título ‘Luar na Lubre XX. Encrucillada’, contén fotografías e textos de personalidades da música, a literatura e o xornalismo. Rosa Cedrón, Marisa Vale Roso, SÉS, Irene Cerqueiro, Anna Espinosa, Xoan e Noa Antepazos, Irene Sánchez ‘Filandeira’, David Vázquez Adkin, Alumnos de Nuria Naya da Escola Entresons e Pablo Carreira (gaiteiro) acompañarán ao grupo no escenario.