O cantante coruñés Íñigo Quintero actuará na Morriña Festival 2024, que se celebrará na cidade herculina entre os días 26 e 27 de xullo e que contará coa presenza de Aitana, Louis Tomlinson, Nicki Nicole ou Sen Senra, entre moitos outros.
Tal como reivindicou o Concello da Coruña nun comunicado, Quintero é un dos artistas español con maior éxito internacional, despois de que o ano pasado a súa canción ‘SI non estás’ alcanzase o número 1 en máis de 10 países, como Francia, Alemaña, Austria ou España. Ademais, en 2023 foi o primeiro artista nacional en solitario en situar un single no ‘top 50’ mundial da plataforma Spotify. De estilo pop, Íñigo Quintero inclúe nas súas referencias destacados artistas como James Arthur, Charlie Puth ou Dani Fernández, que actuará tamén este verán no marco da Morriña Festival. Este será o único concerto que Quintero ofrecerá no norte de España, escollendo A Coruña para presentar o seu directo.
AS ENTRADAS PARA O CONCERTO DE CAMILO XA A VENTA
As entradas para o concerto de Camilo na Coruña que terá lugar no Coliseum o próximo 8 de xuño xa están á venda. A actuación do artista colombiano dará o pistoletazo de saída á segunda edición do ciclo de concertos Coruña Sounds, impulsado polo Concello da cidade herculina.Tal e como destacan nun comunicado, o artista nado en Medellín en 1994 é un dos artistas máis destacados do pop latino e da música urbana a nivel mundial, con catro premios Grammy Latinos no seu haber.
Camilo volve á Corurña dous anos despois da súa última actuación na cidade, tamén no Coliseum. No comunicado lembran que o concerto estaba previsto inicialmente para o 11 de xuño, pero a recente paternidade do artista obrigou a adiantar a data. As persoas que adquirisen a súa entrada a través da plataforma de venda de entradas Ticketmaster poderán usalos igualmente o día 8 de xuño e aquelas interesadas en adquirir pases de face ao concerto no Coliseum tamén poderán facelo desde o xoves a través da páxina web de Ataquilla. O ciclo de concertos continaurá coas actuacións de Emilia, Roube, Luís Miguel e Chris Isaak, co Coliseum, o Porto e o Palacio da Ópera como localizacións previstas.
SILVIA PÉREZ CRUZ NO TEATRO COLÓN
Tamén este mércores saíron á venda as entradas para o concerto que a cantautora catalá Silvia Pérez Cruz interpretará no Teatro Colón o próximo 24 de maio, ás 21.00 horas. A compositora presentará o seu último traballo ‘Toda a vida, un día’.
Pérez Cruz, gañadora do Premio Nacional de Músicas Actuais en 2022, é “unha das voces emerxentes na escena musical ibérica e latinoamericana”. As entradas para o concerto do 24 de maio no Teatro Colón xa se poden adquirir a través da páxina web de Ataquilla, así como no despacho de billetes do IMCE na Praza de Ourense.
