O que foi deputado socialista no Parlamento galego na pasada lexislatura, Martín Seco, será o novo concelleiro do PSOE en Arteixo, en substitución de Luís Vázquez, que renunciou á súa acta por motivos profesionais.

Así o acordou a executiva municipal do PSOE de Arteixo, que propuxo o nomeamento de Seco ao ser o seguinte candidato na lista que presentaron os socialistas nas municipais de 2023.

Martín Seco, exdiputado afín ao que que foi secretario xeral do PSdeG Gonzalo Caballero, xa foi concelleiro do grupo municipal en Arteixo desde 2015. En 2020 renunciou á acta por “incompatibilidades” ao saír elixido parlamentario autonómico pola provincia da Coruña nas eleccións á Cámara galega.

Seco asegurou que para el é de novo un reto reincoporarse á política local co “único obxectivo de traballar arreo pola cidadanía arteixana” e para facer unha “oposición firme e contundente a un goberno local do PP que utiliza a súa maioría absoluta de forma absolutista”.