O Quadball, coñecido anteriormente como Quidditch, é un deporte mixto que gañou popularidade a nivel mundial. Con raíces na famosa saga de Harry Potter, este deporte evolucionou para converterse nunha actividade física, dinámica e emocionante que combina elementos de rugby, dodgeball (brilé) e balonmán. En Galicia, o Quadball continúa deixando a súa pegada, atraendo a unha comunidade crecente de afeccionados e xogadores dedicados. Un dos equipos máis destacados na rexión é Dementores da Coruña.
Chama a atención que sexa un deporte mixto, e Nerea, xogadora de Dementores, explícanos que “se non se cumpre ou mínimo de persoas de distinto xénero o equipo queda descalificado, a menos que exista unha xustificación. Se nunha competición hai moitos equipos que non dan o número mínimo faise unha excepción, ao final somos un deporte minoritario”.
Ver esta publicación en Instagram
HISTORIA DO QUADBALL EN GALICIA
O Quadball chegou a Galicia fai aproximadamente dez anos e rapidamente captou a atención dos mozos apaixonados polo deporte e a fantasía. Ignacio, xogador veterano de Dementores, dinos “eu animo a todo o mundo que queira probalo, é super divertido. Moita xente que o probou deixou outros deportes para quedar neste porque é moi completo. Eu tamén, deixei todo o que facía para vir a isto, xogaba a rugby e isto encantoume. Levo 10 anos xogando”.
Equipos como os Dementores da Coruña foron pioneiros na rexión, promovendo o deporte a través de torneos, eventos locais e adestramentos. Representando a nivel nacional e internacional, os Dementores gañaron recoñecemento e axudaron a popularizar o Quadball en Galicia. “Dementores Coruña somos campións de europa da división dúas e todolos anos competimos na primeira división. Somos bicampións de España e quedamos segundos no resto de torneos que xogamos en España, ademáis de campións da liga galega, etc” conta Ignacio.
Ver esta publicación en Instagram
COMO SE XOGA?
O Quadball xógase nun campo rectangular con sete xogadores por equipo: tres cazadores, dous golpeadores, un gardián e un buscador. Cada xogador debe soster unha escoba entre as pernas en todo momento, o que engade un desafío adicional ao movemento e a coordinación. O obxectivo principal do xogo é anotar máis puntos que o equipo contrario. Os cazadores tentan anotar goles coa Quaffle, unha pelota de voleibol, lanzándoa a través dos aros do equipo contrario, que valen dez puntos cada un. Os golpeadores usan as Bludger, pelotas de dodgeball (brilé), para golpear aos xogadores adversarios e deshabilitarlos temporalmente. O buscador tenta capturar a Snitch, unha pelota de tenis nunha funda amarela amarrada á cintura dun corredor neutral, o que outorga trinta puntos e finaliza o xogo.
IMPACTO NA COMUNIDADE
O Quadball tivo un impacto significativo na comunidade galega. Non só proporcionou unha nova e emocionante forma de exercicio, senón que tamén fomentou a inclusión e a camaradería. O deporte logrou atraer a unha diversidade de participantes, desde estudantes ata adultos que buscan unha forma divertida de manterse activos.
Nerea conta que “ten moi boa comunidade, que iso axuda tamén. Sabes que se tes que irte a algún lugar por unha concentración ou algo sempre che botan unha man co que faga falta. Levo un ano aquí e xa se nota que estás como en familia. Ao final, como somos poucos, temos esa conexión que non hai noutros deportes”
O Quadball chegou a Galicia para quedar, ofrecendo unha mestura única de deporte, fantasía e inclusión. Con equipos dedicados e unha comunidade en crecemento, este deporte seguirá capturando corazóns e fomentando a unidade na rexión, esperando chegar a ser un deporte federado para ter máis recursos financieiros que lles permitan asistir a máis campionatos. Se aínda non asistiches a un partido ou a un entrenamento de Quadball, estás a perderte unha experiencia verdadeiramente máxica e electrizante.
Ver esta publicación en Instagram
