InicioMOV. SOCIAISOs recoñecementos á Defensa dos DDHH da Rede Acampa pola Paz terán...

Os recoñecementos á Defensa dos DDHH da Rede Acampa pola Paz terán cores palestinas

Publicada o

Por Ubaldo Cerqueiro

Vén de anunciar a Rede Acampa pola Paz, os votos que veñen de escoller o Recoñecemento Acampa á defensa dos DDHH 2025, tanto a nivel galego como a nivel internacional. E ambos teñen en común a loita do pobo palestino, dando conta a concienciación da nosa cidade, do noso país, para con este xenocidio

Das 6 candidaturas presentadas pola Rede Acampa a cada un das dúas categorías, e tras máis de medio milleiro de votos exercidos, entre particulares e organizacións, os escollidos foron, no eido internacional o persoal médico e sanitario en Gaza e na categoría Galicia o traballo do activista afincado en Corcubión, Mohamed Safa.

Categoría Galicia

Ghaleb-Jaber-Mohamed-Safa-e-Anton-Losada-na-presentacion-do-libro-La-Revolucion-Arabe-Foto-Rafa-Quintans
Mohamed Safa, no centro, con Ghaleb Jaber e Antón Losada na presentación dun dos seus libros en Cee-Foto- Rafa Quintáns

Na categoría Galicia a candidatura de Safa recidiu 277 votos. Oftalmólogo de profesión e escritor, recibiu con leva décadas traballando de maneira intensa na defensa dos dereitos do pobo palestino e para que coñezamos polo miúdo a dura realidade na que sobreviven.

A nova chega nun momento de máxima actividade para Safa. Apenas un ano despois de presentar o seu último libro, vén de organizar con rotundo éxito de participación, unha macroconcentración do sector cultural realizada en Compostela de apoio ao pobo Palestino.

Pancartas de Safa contra o xenocidio palestino
Imaxe da campaña liderada por Safa en Compostela

As outras candidatas eran Susana Alaniz, presidenta da Asociación Cultural Fuco Buxán, Xosé Abad, fotodocumentalista e impulsor e coordinador da rede Acampa pola Paz ata este ano, o activista defensor do pobo palestino Mohamed Safa, os senegaleses Ibrahima Diack e Maggate N’Diaye, defensores de Samuel Luiz, a activista Marga González de Amnistía Internacional e a Asociación en Prol dos Enfermos Mentais (APEM).

Categoría Internacional

No ámbito internacional, a candidatura que recibiu máis apoios (152 votos) é a do Persoal médico e sanitario de Gaza, postulada pola Asociación Cultural Fuco Buxán. Quedaron moi preto as Avoas arxentinas da Praza de Maio, o presidente brasileiro Lula da Silva, a UNRWA, MSF, a Relatora Especial da ONU para os territorios palestinos ocupados, Francesca Albanese, a comunidade médico-sanitaria de Gaza, a Agrupación Cidadá pola despenalización do aborto no Salvador, a xornalista gazatí Bisan Owda, a defensora ambiental e de DDHH colombiana Yuli Velásquez; e a ICAN (Iniciativa global para abolir as armas nucleares).

Os recoñecementos serán entregados durante o IX Encontro Internacional da Rede Acampa pola Paz que se desenvolverá nos Xardíns de Méndez Núñez os días 20, 21 e 22 de xuño deste 2025.

Novas de Mohamed Safa

Mohamed Safa: ”Non queremos unha loita étnica, isto é unha guerra anticolonialista”

Mohamed Safa: “Por que os palestinos non temos ese dereito á autodefensa que Europa si llo outorga a Israel? ou a Ucrania?”

Occidente e o servilismo a Israel: Chámase ocupación

Máis novas da Rede Acampa

Xosé Abad deixa a dirección da Rede Acampa pola Paz tras 9 anos de máxima dedicación

EDICIÓN 2024:

Os múltiples impactos do Encontro da Rede Acampa pola Paz

ÚLTIMAS

Monte Alto pediu máis intermodalidade e frecuencias no servizo de transporte urbano

Monte Alto acolleu esta tarde un novo, o cuarto de 11, encontro participativo sobre...

Os espazos singulares, protagonistas do RESIS Festival

Arrincou a VIII edición do festival RESIS, referente nacional da música contemporánea, que ten...

Inés Rey apoia crear un novo xulgado de violencia de xénero na cidade

A alcaldesa da Coruña, Inés Rey, trasladou o seu apoio á demanda de crear un...

A Xunta calma a polémica e asegura esperar ao informe técnico para declarar A Coruña como mercado tensionado

Facíamos onte un repaso ás leas partidistas entre goberno local (PSOE) e Xunta (PP)...

DEIXAR UN COMENTARIO

Please enter your comment!
Please enter your name here