Raphael ofrecerá o día 30 de novembro no Coliseum da Coruña o seu único concerto en Galicia dentro do seu ‘Tour Vitoria 2024‘. Trátase dun evento que terá lugar ás 20.30 horas.

O concerto, patrocinado pola Xunta de Galicia e coa colaboración do Concello da Coruña, está organizado por Cávea Produciones. No mesmo, interpretará cancións do seu repertorio como ‘Mi gran noche’, ‘Que sabe nadie’ ou ‘Yo soy aquel’, acompañadas das gravacións do seu último disco, escrito e producido por Pablo López.

Para o concerto, “unha oportunidade única para gozar dun dos maiores artistas que deu o noso país”, remarcan os promotores, as entradas están xa á venda.