Norberto Recamán Lago, Florentino Canosa Barreiro, José Lago Fernández, Teófilo Mejuto Leis, Perfecto Trasmonte Costa, Jesús Chouza Figueiras, Manuel García Castiñeira e Domingo López Domíngues.
Estes son os nomes dos 8 operarios da fábrica de Brens, en Cee, que foron fusilados o 9 de decembro de 1936 polo réxime franquista.
As 8 vítimas, ante as noticias da insurrección militar, comezaron a organizar a defensa civil en contra do golpe militar e en defensa da factoría e do pobo de Cee.
Eduardo Garrone de Cristóforis, cidadán italiano, xefe da fábrica, comezou inmediatamente a colaborar cos insurrectos delatando aos participantes na reacción ao golpe militar e mesmo proporcionando aos golpistas os perfiles persoais, laborais e ideolóxicos detallados para poderen desmantelar a cúpula sindical da factoría e represaliar aos dirixentes da folga. Elabora un relato dos feitos describindo os seus operarios coma indesexábeis, perigosos, revolucionarios, exaltados ou marxistas.
Os oitio acabaron fusilados pola súa militancia política e sindical, e especialmente por liderar unha folga sindical en oposición ao Golpe de Estado do 18 de xullo, e en defensa do goberno da República, da propia fábrica e da liberdade do pobo.
88 anos
O pásado domingo cumpríronse 88 anos do suceso, e dende o BNG de Cee, en colaboración coa Comisión pola Recuperación da Memoria Histórica da Coruña) quixeron renderles homenaxe, visitando o lugar e facendo unha ofrenda floral na fosa común onde foron asadinados e onde están os seus restos, situada no Campo da Rata (na zona da Torre), entre os Menhires e a Casa das Palabras.
Non faltaron ao evento responsables do BNG ceense, así como os membros da CRMH Carlos Babío, Manuel Monge ou Rubén Centeno, que está a facer un estudo sobre a fosa común.
