Continúan os problemas no Centro de Orientación Familiar da rúa Orillamar. A precaria situación laboral segue provocando situacións dramáticas para un servizo tan necesario na atención ás familias e á mocidade con problemas de saúde afectivo-sexual. A día de hoxe, está sen persoal administrativo, polo que o centro ten que facer un simbólico peche de portas, puidendo realizar só atención urxente, pero deixando de prestar atención programada.
A pesar de que o cadro de persoal inclúe 3 traballadoras de persoal administrativo (dúas dependentes do Concello), neste último mes só hai unha profesional, que se ocupa da atención telefónica e presencial, e que xestiona as axendas das profesionais (matrona, psicóloga, traballadora social…). Pero as vacacións programadas desta última traballadora, non cuberta polo Concello a pesar de ter sido avisado con tempo, provocan unha caída rotunda na calidade da atención.
”Sen persoas que atendan na entrada do centro e que xestionen a axenda, non podemos facer seguemento de casos especiais, non sabemos cando imos poder analizar resultados de probas, non podemos estar pendentes de cousas importantes como a interrupción de embarazos… “, sinalan as profesionais que volven demandar que o Concello asuma as súas responsabilidades neste centro codependente.
Lembran que xa o Sergas ocupouse de cubrir a baixa da psicóloga, a pesar de que a responsabilidade era municipal.
Máis novas
Denuncian o esquecemento municipal do Centro de Orientación Familiar de Orillamar
Denuncian que o Concello segue sen cubrir a praza de psicóloga clínica no COF de Monte Alto
Piden solucionar a situación laboral do Centro de Orientación Familiar de Orillamar
