A borrasca ‘Herminia’ segue provocando alteracións en Galicia, nesta ocasión no transporte ferroviario. Renfe anunciou a suspensión do servizo de trens de media distancia que cobre o traxecto entre A Coruña e Ferrol, debido ás condicións meteorolóxicas adversas.
A través dun comunicado no seu perfil da rede social ‘X’, Renfe informou da activación dun plan alternativo de transporte por estrada para os pasaxeiros afectados. A medida busca garantir a mobilidade mentres o servizo ferroviario permaneza interrompido.
TRENS AFECTADOS
Os trens suspendidos corresponden aos seguintes horarios e traxectos:
- 2682 MD A Coruña 12.05 – Ferrol 13.25
- 12683 MD Ferrol 14.40 – A Coruña 15.58
- 12684 MD A Coruña 15.04 – Ferrol 16.24
- 12685 MD Ferrol 17.37 – A Coruña 19.00
- 12690 MD A Coruña 18.32 – Ferrol 20.08
- 12687 MD Ferrol 20.33 – A Coruña 21.51
Renfe asegura que está a traballar para restablecer o servizo ferroviario tan pronto como as condicións meteorolóxicas o permitan. A compañía recomenda aos viaxeiros consultar actualizacións a través dos seus canais oficiais para estar informados sobre a situación do servizo.
