InicioA CORUÑAInés Rey defende as contas para o 2025 fronte as críticas da...

Inés Rey defende as contas para o 2025 fronte as críticas da oposición que as ven inviables

Publicada o

Por monchomarino

A alcaldesa da Coruña, Inés Rey, manifestou, de cara ao debate dos orzamentos municipais para este ano elaborados polo goberno local — 379 millóns, catro máis que o exercicio anterior — que será a oposición, PP e BNG, os que terán que explicar “o sentido do voto” en caso de non apoialos.

Fíxoo tras aprobarse na Xunta de Goberno deste venres as citadas contas, que serán debatidas na sesión plenaria do próximo 6 de febreiro coas críticas avanzadas xa por parte de nacionalistas e populares.

Nun comuicado, o portavoz municipal do BNG, Francisco Jorquera, — que xa descartou o ano pasado un acordo cos socialistas por non cumprir, dixo, os pactados en relación ás contas de 2024 — afirma que “carecen de credibilidade”. Tamén denuncia que “por primeira vez desde 2016 prescíndese da participación cidadá na súa elaboración”. Ademais, apunta ao “baixo nivel de execución” en 2024.

“O orzamento é máis do mesmo, repite investimentos doutros anos”, afirma o portavoz municipal do PP, Miguel Lorenzo, para quen se presume “do orzamento máis alto, pero a documentación demostra a súa incapacidade para gastar o que recadan”.

Pola súa banda, a rexedora asegurou que o goberno local estivo “aberto a suxestións e propostas” pero que non recibiron “ningunha”. “Non creo que estean en contra de que se aumente o gasto en benestar social ou dun ambicioso plan de barrios”, citou ao reivindicar, ademais, as partidas incluídas no ámbito cultural ou do turismo, entre outras.

ÚLTIMAS

As tapas do 22 establecimentos que participan no Concurso de Tapas Picadillo

Ponse en marcha a XXII edición do Concurso de Tapas Picadillo co obxectivo de...

O Concello da Coruña investirá 15.000 euros en rehabilitar a escultura do Acuario

Jorge S. Peteiro Vázquez creou a peza escultórica para instalala en 1998 na Enseada...

Unha viaxe virtual en SkpMotor con Galicia Simracing Events

No programa de SKPMotor CuacFM o gravado este xoves 19 de novembro de 2026...

Outra noite de pelexas no cruzamento na Tonda de Outeiro sáldase cun ferido por arma blanca

Un home resultou ferido nunha pelexa entre varias persoas nun local da Coruña e...

DEIXAR UN COMENTARIO

Please enter your comment!
Please enter your name here