Así o recolle o informe municipal que o Concello vai entregar a Xunta no mes de marzo, e que foi presentado onte nunha nova xuntanza da Mesa Sectorial de Vivenda.
O Concello presentaba a memoria xustificativa para a declaración da Coruña como Zona de Mercado Residencial Tensionado (ZMRT), un documento no que se conclúe que a cidade cumple cos requisitos para a súa declaración, tal e como recolle a Lei estatal de Vivenda, tantocomo municipio ou como por distritos.
“Segundo este estudo encargado polo Concello e que se basea en datos dos seus dez distritos censuais e 186 seccións censuais, na cidade cumplimos con ambos criterios nun 50% dos distritos e nun 70% das seccións”, indicou o edil Fran Díaz Gallego.
A Lei estatal de Vivenda recolle que para que unha cidade sexa declarada como ZMRT ten que cumplir dous requisitos:
- Que o custo da hipoteca ou aluguer máis os gastos derivados da vivenda superen o 30 % da renda media dos fogares
- Que o prezo de compra ou aluguer experimentase un crecemento nos últimos cinco anos un 3% superior ao IPC.
“É, realmente, algo máis que un informe, é unha constantación de que unha parte moi importante da poboación desta cidade destina máis dun 30% dos ingresos familiares á vivenda, unha porcentaxe que supón un auténtico problema para moitas persoas e que temos que buscar a forma de atallar entre todas as administracións”, sinalou o edil.
Ábrese agora un período de 15 días de consulta pública, tras o cal volverase a reunir a Mesa Sectorial de Vivenda.
Máis novas
#Ninmedionormal, a campaña de @o.novo.normal.coruna pola Emerxencia Inmobiliaria
Tres meses para adaptar as vivendas turísticas á nova ordenanza da Coruña
