Ademais do salto ao comic e á animación, Nabiza Girl volverá este domingo aos escenarios. A polifacética actriz herculina Isabel Risco volverá enfundarse neste 2025 na pel da súa personaxe Nabiza Girl, superheroína destemida que se verá na obriga de combater desde os escenarios o paulatino esmorecer da cultura galega.
Sada acollerá o vindeiro domingo 23 de febreiro a estrea de ‘As aventuras de Nabiza Girl. O estraño caso da Cultura Minguante’. A xira continuará no Centro Ágora da Coruña o 14 de marzo, en Barbadás o 28 de Marzo e en Muros o 5 de abril
Isabel Risco escribe o texto xunto ao guionista Carlos Ares e Fran Rei, director da obra, e comparte escena co intérprete Alberte Bello
O espectáculo “O estraño caso da Cultura Minguante” estrearase o domingo 23 de febreiro ás 19.00 h na Casa da Cultura Pintor Lloréns de Sada. Este Concello acolleu a residencia artística durante a que se desenvolveron os ensaios deste espectáculo, produción conxunta entre Isabel Risco e a produtora La Yogurtera. A distribución corre a cargo de Culturactiva.
A xira continuará o 14 de marzo no Centro Ágora da Coruña, en Barbadás o 28 de Marzo e en Muros o 5 de abril. As entradas para Sada pódense adquirir xa na web do Concello de Sada.
Máis novas
A superheroína herculina Nabiza Girl, dá o salto á animación para animar á mocidade a usar o galego
