Sete acusados de traficar con droga na área da Coruña aceptaron penas que van entre o ano e os dous meses e o ano e o nove meses, no xuízo celebrado na Audiencia Provincial coruñesa.

Foi tras un acordo entre os letrados e a Fiscalía e no que se aplicou a atenuante de dilacións indebidas, ao tratarse duns feitos que se remontan a 2016.

Inicialmente, estaban previstos tres días de xuízo pero finalmente ao aceptar as penas foron condenados xa con sentenza firme. A seis condénaselles a un ano e dous meses por non ter antecedentes previos e a un, por si constarlle, a un ano e nove meses.

Fiscalía imputaba nun prinicipio nove os acusados, aínda que finalmente sentaron sete no banco dos procesados. Dous deles eran matrimonio e algúns fillos destes.

Segundo o escrito fiscal, que recollía inicialmente penas de catro a seis anos de cárcere, durante 2016 e, como resultado dunha investigación con participación da Garda Civil de Cambre e de Arteixo, constatouse actividades relacionadas co tráfico de heroína e cocaína por parte dun grupo familiar.

Os mesmos tiñan pisos en Arteixo e asignadas distintas funcións, uns con labores de vixilancia e outros trasladando a droga a distintas localidades para o que recorrían ao uso de diversos vehículos.