A asociación LGTBI+ Ás A Coruña foi galardoada co premio Pedro Zerolo pola súa traxectoria no marco da XXXV edición dos premios Triángulo que outorga anualmente a asociación LGTBI+ madrileña COGAM.
“Este premio, que rende homenaxe a unha das figuras máis emblemáticas do activismo LGTBI+, recoñece o traballo de máis de 15 anos da asociación na defensa dos dereitos LGTBI+ en Galicia, así como o seu firme compromiso coa igualdade e a xustiza social”, destacan desde a organizacion premiada.
Entre os motivos destacados para a concesión do galardón figura o exercicio da acusación popular no caso de Samuel Luiz, o mozo falecido tras unha malleira no paseo marítimo coruñés en 2021.
“Unha decisión que reafirmou o compromiso da asociación na loita contra os discursos e delitos de odio, así como na defensa das vítimas a través do seu Observatorio”, sinala sobre as iniciativas promovidas a través do mesmo.
O Corufest 2025 entrega o recoñecemento Samuel Luiz ao colectivo LGTBIQ+ Alas Coruña
