A alcaldesa da Coruña, Inés Rey, confirmou que se presentará á reelección para liderar o PSOE coruñés e avanzou que será para “afrontar os retos” que hai “por diante”, entre eles as eleccións municipais en dous anos.

Será, ademais, co obxectivo de “renovar todo o equipo”. “Haberá algunha persoa que poida repetir, pero serán as menos, unha renovación bastante completa”.

Así o expuxo, a preguntas dos xornalistas, tras informar os socialistas coruñeses que este sábado terá lugar a asemblea local ordinaria, que escollerá a nova comisión executiva local.

No comunicado, Inés Rey afirma que se presenta á candidatura con “ilusión” pero tamén coa “responsabilidade de seguir avanzando na transformación da Coruña”. “Temos que consolidar este proxecto colectivo”, recalca.