A Garda Civil investiga a tres persoas, dous veciños de Cedeira e outro de Oleiros, por realizar talas sen permisos nos montes deste último municipio, e polos supostos delitos de furto, danos, estafa e falsidade documental.
Segundo informaron fontes da Comandancia da Coruña, a investigación, bautizada como Operación Glóbulos, iniciouse tras a denuncia de catro veciños de Oleiros, que foron advertidos polo Concello de que os seus montes foran talados no principio do ano sen os permisos necesarios. Deste xeito, os veciños descubriron o ocorrido: que alguén tallara os terreos sen o seu coñecemento nin consentimento.
Por mor das denuncias, a Garda Civil iniciou as pescudas e detectou diversas irregularidades documentais. Finalmente, logrou identificar as tres persoas supostamente responsables, que actuaban como unha empresa dedicada á tala de árbores. No marco do operativo, os axentes incautaron varias toneladas de madeira que, presuntamente, fora subtraída. Os feitos foron postos en coñecemento do xulgado.
