Pleno extraordinario complicado o vivido esta mañá de 31 de xullo no pazo de María Pita, para pechar o curso político. Un pleno con varios puntos importantes, como as aprobacións, gracias aos votos de PSOE e BNG, da ordenación da nova taxa do lixo, da taxa turística, así como o novo convenio urbanístico da urbanización das Xubias.
Pero a chispa saltou cando o PP abandonou o pleno argumentando a “falta de democracia” e “falta de respecto” ao voceiro Miguel Lorenzo. Todo naceu tras unha intervención de Lorenzo na que criticaba a falta de comunicación do grupo de goberno durante o escuro proceso de negociación sobre as Xubias, cando, segundo aseguraba Lorenzo, “amosara sempre o seu apoio durante a floga do lixo”.
Non puido aguantar aí calada a alcaldesa Inés Rey, que leva anos falando só como moderadora das intervencións plenarias. Ante esas supostas mostra de apoio do voceiro popular, Rey acusouno de máxima “hipocresía”, e releu vario titulares de Lorenzo na prensa tipo “a la alcaldesa le va a llegar la mierda al tercero”, cando sen embargo non se dignara a mandarlle nin un só whastapp de apoio cando lle chegaban as ameazas ao seu piso.
Lorenzo pediu a réplica ante as alusións e ante a negativa da rexedora, decidiu levantarse e marchar. Os seus compañeiros, os edis populares, olláronse os uns aos outros e decidiron erguerse tamén, antes de poder votar a favor para o convenio das Adoratrices e de Xuxán.
O Novo convenio das Xubias
A todo isto, o pleno tiña un punto importantísimo, como é a aprobación do convenio co fondo de investimento suizo para a urbanización das Xubias. Trala intervención de Lage Tuñas, na que agradeceu ao BNG, a edil nacionalista Avia Veira loubou a súa “propia actitude propositiva para conseguir un convenio rectificado”. Lembrou que a primeira propsta incluía a eliminación da vía do tren, e olvidábase da ordenanza do litoral ata a Pasaxe, e nesta nova modificación, “porque o BNG se puxo firme”, se inclúe, sobre todo, a integración de todas as parcelas de Ginkgo para incluílas na modificación puntual do PXOM de 2020 que aínda non foi aprobado polo goberno, e que provoca a baixada da dificabilidade de 660 a 230; ademais de engadir un 20% de vivenda protexida sobre o establecido no proxecto. Ademais, entre os obxectivos marcados figura a intención de integrar o Pazo Guyatt como equipamento público e os seus xardíns como zona verde.
Veira defendeu que se trata “dun barrio degradado que necesitas melloras. Isto é máis progresista que deixar que As Xubias morra de inanición”, sinalou ante as queixas do PP, que lembrou o escuro proceso de compra de pacelas por parte do fondo de investimento durante os últimos anos, con comerciais facendo “ameazas” que se fan pasar por representantes do concello. “Está pensado para expulsar a veciñanza das Xubias, non para mellorar a súa vida”, denunciou Lorenzo, criticando que están facendo “urbanizacións de luxo”, acusando de “falso progresismo” aos dous grupos.
Respondeu aí o BNG sinalando que PP e ao PSOE van da man para vender o solo público para facer vivendas no verdadeiro proxecto de transformación urbanística da cidade, como é do da fachada marítima.
As dúas taxas
O pleno tamén conseguíu, cos votos a favor de PSOE e BNG, e os votos en contra do PP a aprobación da Ordenanza da Taxa Turística (entre 1,5 e 2,5 euros en función do tipo de establecemento e ata un máximo de cinco días de estadía). E tamén á ordenanza taxa do lixo. Con esta actualización, a media que pagará un fogar da Coruña estará no ano 2027 na contorna dos 90 euros anuais.
O PP solicitaron a retirada da ordenanza porque “é en si mesma unha estafa”, sinalizando que é unha obrigación de Pedro Sánchez, que non vén de Europa. Preguntándose cal é o modelo de Nostián?
Máis novas
O BNG defende os cambios inseridos no proxecto de urbanización das Xubias
