O prazo de solicitude para optar ás 1.055 prazas dispoñibles de face á nova tempada das Escolas Deportivas Municipais (EDM) da Coruña estará aberto desde o vindeiro luns, día 1, ata o 8 de setembro.

Segundo traslada Concello herculino, a programación inclúe actividades para cinco tramos de idade e máis de 20 disciplinas deportivas como natación, escalada, atletismo, ioga, judo, pilates ou patinaxe artística.

Para o concelleiro de Deportes, Manuel Vázquez, esta iniciativa permite “fomentar hábitos de vida saudables e a práctica deportiva a escala intergeracional e contribúe tamén a visibilizar a importancia da socialización e de valores como o traballo en equipo”.

En concreto, apunta, as EDM contan cunha oferta total de máis 4.600 prazas, con persoas que manteñen a súa participación en cada exercicio. Neste sentido, e tras completarse o prazo de renovación previo, a oferta de face ao curso 2025-26 é de máis dun milleiro.