A alcaldesa da Coruña, Inés Rey, pediu á Xunta un marco xurídico sobre o mercado tensionado para sancionar incumprimentos en canto ao tope do aluguer. A preguntas dos xornalistas, asegurou que “a lei estatal o que fai é delegar nas comunidades autónomas o desenvolvemento da lei para sancionar e as medidas que se toman en relación ao mercado tensionado sexan efectivas”.
“Navarra e Cataluña desenvolvérono, o País Vasco está a facelo agora mesmo, pediría á Xunta que desenvolvan a parte autonómica que lles toca para poder dar efectividade ás medidas en relación ao mercado residencial tensionado porque senón é evidente que, se non hai unha marxe legal e un regulamento sancionador e ferramentas xurídicas para poder polo en marcha, quedará nunha mera declaración”.
RESPOSTA DA XUNTA
“A normativa que regula as zonas declaradas tensionadas é estatal, por tanto a regulación para facer efectivas as medidas contempladas tamén é competencia estatal“, sostén a Xunta.
“A responsabilidade de facer cumprir esta normativa é do Goberno central, a Xunta só debe tramitar a documentación relativa á solicitude de declaración de mercado residencial tensionado”.
“É rotundamente falso que a lei estatal delegue nas comunidades autónomas o desenvolvemento e aplicación de sancións para que as medidas sexan efectivas como afirma a alcaldesa”, argumenta.
