O Monitor de Reputación Sanitaria, elaborado pola consultora Merco, empresa especializada neste tipo de estudos, situou ao complexo hospitalario universitario da Coruña (Chuac) no posto 17 como mellor hospital de España. Sitúase tamén como o mellor hospital galego a nivel estatal, informa o centro.
Con iso, especifican, “mellora un posto con respecto ao mesmo estudo realizado o pasado ano polo que asicende do posto 18 ao posto 17”. Dentro deste estudo, no que participaron boa parte dos 787 hospitais tanto públicos como privados existentes en España, o Chuac competiu a nivel de hospitais como La Paz e Gregorio Marañón de Madrid ou o Clínic de Barcelona.
En canto aos servizos sanitarios con mellor proxección de España destaca os de Rehabilitación e Cirurxía Oral e Maxilofacial, quedando no postos seis e dez nas súas respectivas categorías, así como o de Farmacia Hospitalaria, no número 13, e o de Radiodiagnóstico, no posto 14, o mesmo de Anestesia e Reanimación.
