A realidade é que a meirande parte da sociedade non sabe nin o que significa o Terceiro Sector.
View this post on Instagram
Por iso todas as organizacions non gubernamentais que se dedican a traballar polo ben social necesitan poñer en marcha a campaña #OrgulloTerceiroSector. Así o contan dende Rede Europea contra a Pobreza (European Anty Poberty Network, EAPN Galicia). Nestas semanas, as 35 entidades que forman a rede sacan peito do seu papel fundamental como axentes claves na transformación social e na defensa polos dereitos e igualdade das persoas máis vulnerables.
Pero falan tamén en clave económica, e da necesidade de seguir afondando na profesionalidade do terceiro sector, destacando que, aínda carecendo de ánimo de lucro, constitúe un xerador de riqueza (máis do 2% do PIB) e emprego (máis de 60.000 empregados en todo o estado).
Terceiro Sector: xerador de emprego e riqueza
As entidades que forman parte do Terceiro Sector de Acción Social son un axente máis do sistema de servizos sociais, de emprego, acceso a vivenda, sanidade, etc.
O “Barómetro del Tercer Sector de Acción Social, en España 2024” publicado pola Plataforma de ONG de Acción Social revelou que o Terceiro Sector move máis do 2% do PIB en España, traducidos en máis de 19 mil millóns de euros que ingresa anualmente este sector. Segundo este estudo, realizáronse 47 millóns de intervencións no ano 2023.
Asemade, o Terceiro Sector contribúe na xeración de emprego: neste último ano máis de 600.000 persoas estiveron empregadas e 1,4 millóns traballaron de forma voluntaria.
As entidades
Cómpre poñerlle nome a todas esas entidades que forman esa necesaria rede: Accem, Acción contra a Fame, Asemblea de Cooperación pola Paz, AGARESO (Asociación Galega de Comunicación para o Cambio Social), Arela, Asociación de Empresas de Inserción de Galicia – AEIGA, Asociación de Migrantes de Galicia – AMIGA, Asociación para a prevención e a educación social – APES, Axuda en Acción, Federación Autismo Galicia, Boa Vida Inclusión Activa, Cáritas Lugo, Cáritas Mondoñedo-Ferrol, Cáritas Ourense, Cáritas Tui-Vigo, CDR O Viso, CDR Portas Abertas, COGAMI, Dano Cerebral Galicia, Down Galicia, Fundación ECCA Social, Ecos do Sur, Emaús Galicia, Fundación Amaranta, Fundación Érguete Integración, Fundación Esplai, Federación Alzheimer Galicia – FAGAL, Hogar Sí, Fundación JuanSoñador, Fundación Meniños ,Fundación Ronsel, Fundación Secretariado Gitano, Igaxes, Médicos do Mundo, Movemento pola Paz, o Desarme e a Libertade (MPDL), ONG Mestura, Poten100mos, Provivienda e Saúde Mental FEAFES.
Máis novas
A Escola Coruña de Senegal xa ten paneles solares gracias á ONG Ecodesarrollo Gaia
A “movida” medioambiental de San Amaro que reinserta e conciencia
Institucións Penitenciarias recoñeceu o papel da Fundación Érguete polo Día da Mercé
