A Confraría de Pescadores de Laxe celebrará este sábado, 18 de outubro, unha degustación gratuíta de tapas elaboradas con peixe fresco da súa lonxa. A cita terá lugar no Mercado Municipal de Elviña, a partir das 12:00 horas, e estará aberta ao público ata esgotar existencias.

A degustación correrá a cargo do recoñecido cociñeiro Iván Domínguez, responsable do restaurante Nado e membro do prestigoso Grupo Nove, que elaborará as tapas en directo xunto ao tamén cociñeiro Miguel Mosteiro (Gastrolab Arousa). Ambos son embaixadores dos peixes e mariscos de Laxe, en recoñecemento ao seu compromiso coa promoción do produto local e a pesca artesanal.