A Coruña acollerá os días 21 e 22 de novembro o congreso ‘Techsportnow’ no que expertos nacionais e internacionais abordarán a aplicación da Intelixencia Artificial no deporte.
O Palacio Municipal de María Pita acolleu este martes a presentación deste evento, nun acto con presenza do concelleiro de Cultura e Turismo, Gonzalo Castro. Xunto a el estivo o presidente da Asociación Galega de Xestión Deportiva (Agaxede) e director do congreso, Eduardo Branco.
A primeira edición deste congreso contará coa participación de 20 expetos neste ámbito e procedentes de España, Portugal e Latinoamérica.
Entre eles estarán Alejandro Branco, presidente do Comité Olímpico Español, e Ignasi Belda, directora xeral da Axencia Española de Supervisión da Intelixencia Artificial (Aesia).
O programa do congreso estrutúrase ao redor de catro bloques temáticos:
- IA para o Rendemento Deportivo: ferramentas para optimizar o adestramento, previr lesións e personalizar procesos.
- Novidades da IA no Deporte: Comunicacións e presentación de proxectos e experiencias innovadoras con IA no deporte.
- A IA no futuro do Fitness: A comunicación do presente e futuro e innovacións da I.A. no sector do Fitness.
- A IA na Dirección e Xestión Deportiva: solucións para as decisións estratéxicas baseadas na análise de datos, equipamentos e infraestruturas, a seguridade e a mellora de servizos e procesos.
