O Instituto Galego de Análise e Documentación Internacional (IGADI), organiza este xoves 18 de decembro, ás 20:30h, no cinema da Domus, unha xornada mundia.
A presentación da cuarta edición de “A Coruña Global”, un evento concebido como un espazo mixto entre o espectáculo e a reflexión colectiva, cunha participación plural de persoas representativas da cidade, co obxectivo de comprender os fíos que tecen as conexións da Coruña co mundo do século XXI.
Deste xeito, a actividade contará, entre outras persoas, coa participación presencial e virtual de especialistas en ámbitos como a diáspora galega (Arturo Lezcano), as cidades globais (Miguel Otero, Real Instituto Elcano), a solidariedade (Diego González Rivas), ou o deporte e a industria (Sofía Toro). Haberá grandes sorpresas.
Así mesmo, forman parte do camiño aberto pola Declaración institucional “A Coruña global no mundo do S. XXI” (2019), orientada a reforzar a imaxe internacional e a acción exterior da cidade.
Todas as persoas asistentes poderán recoller o seu Mapa da Coruña Global en galego, inglés, chinés, portugués ou castelán.
As inscrición son gratuítas e pódense realizar desde esta ligazón.
A Gala poderá seguirse tamén en streaming a través da canle de YouTube do IGADI.
A Coruña rescata o seu pasado colonialista enviando unha mensaxe reflexiva contra os racismos
