Enchíase esta pasada semana a cidade de curiosos carteis co lema #ACoruñaPortoNegreiro. Xa imos sabendo algo máis sobre o proxecto que hai detrás.
Este vindeiro 18 de decembro, co gallo do Día Internacional das Persoas Migrantes, o MUNCYT estrea ás 19:00h a exposición principal do proxecto ”A Coruña entre memorias, unha iniciativa creada por Zinthia Álvarez e Cristina Botana, e apoiada pola Deputación da Coruña, para rescatar unha parte esquecida da nosa historia: o tráfico de persoas escravizadas desde o porto coruñés.
A mostra será visitable durante 2 meses, e nela poderemos reflexionar reflexionar sobre o pasado colonial e o impacto que deixou na cidade e no mundo, e así comprender mellor as relacións entre progreso, desigualdade e violencia que marcaron os séculos XVIII e XIX.
“Porque lembrar tamén é xustiza”, lembran as organizadoras, nunha clara mensaxe en contra das mensaxes racistas que podemos escoitar na sociedade actual.
