O escritor e poeta chileno Víctor Hugo Díaz participará este venres 19 de decembro, nun recital de poesía da súa obra. O acto consistirá na lectura dunha escolma de poemas castelán e galego, coa participación directa do autor e coa colaboración de Alejandra Bellón Tenreiro, Luis Pérez Rodríguez, Olga Patiño Nogueira e Xulio López Valcárcel.

A actividade, organizada pola Asociación Cultural Irmáns Suárez Picallo e polo Consulado Honorario de Chile na Coruña, terá lugar mañá a partir das 19.00 horas no salón de actos da Sede Afundación, situado na rúa Estrela, 21. O recital supón unha oportunidade única para coñecer a obra dun dos poetas máis destacados do panorama literario chileno actual.

Víctor Hugo Díaz (Santiago de Chile, 1965) é unha das voces máis recoñecidas da poesía chilena contemporánea. Autor dunha sólida obra poética, publicou títulos como La comarca de senos caídos, Doble vida, Lugares de uso, No tocar, falta, Antología de baja pureza (1987–2013), Hechiza, poemas anticipados, Lo puro puesto ou El suelo pesa, entre outros. Ao longo da súa traxectoria recibiu recoñecementos como a primeira Beca de Creación Taller Pablo Neruda (1988) ou o Premio Pablo Neruda (2004) polo conxunto da súa obra.