A Policía Nacional da Coruña detivo esta pasada madrugada do sábado ao domingo a un home por quebrantar unha orde de afastamento e por resistencia e desobediencia á autoridade.
Tal e como confirmou a Policía Nacional a Europa Press, a detención produciuse ao redor das 01.00 horas de madrugada na contorna da fonte das Paxareiras.
O home, que posuía unha orde de afastamento en vigor, atopábase na zona, xunto a un vehículo. Segundo explica a Policía Nacional resistiuse a ser detido.
Actualmente, atópase en comisaría á espera de pasar a disposición xudicial.
