O partido da Copa do Rei entre o clube coruñés do Deportivo e o Atlético de Madrid, fixado para este martes ás 21.00 horas, xerou incidentes puntuais e unha quedada errada entre ultras. Desde a Subdelegación do Goberno na Coruña, explicaron a Europa Press que “a Policía Nacional detectou unha posible quedada” pero que cando se desprazaron ao lugar “só apareceron” os do Deportivo.
Por outra banda, fontes policiais consultadas confirmaron que houbo á primeira hora da tarde “incidentes” que se limitaron a “pelexas a modo puntual, non multitudinarias”, sen vincular estes feitos con grupos vinculados a un clube ou ao outro. Todo isto, apuntaron, “sen nada de gravidade”.
