InicioBARRIOSRescatan en Elviña a unha nena cuxa cabeza quedou atrapada nun valo...

Rescatan en Elviña a unha nena cuxa cabeza quedou atrapada nun valo da escola infantil

Publicada o

Por europapress

Bombeiros da Coruña interviñeron este luns para rescatar a unha nena pequena á que quedou atrapada a cabeza nun valo da escola infantil, segundo recollen no seu parte de incidencias o servizo de emerxencias 112.

Do suceso tívose constancia sobre as 11.40 horas cando desde o propio centro, situado na rúa Pablo Picasso, na zona de Elviña, alertaron do sucedido.

En concreto, explicaron que a unha nena quedáralle atrapada a cabeza nun valo e que non a daban sacado, aínda que precisaban ao 112 que non necesitaba asistencia sanitaria como finalmente ocorreu.

Desde o servizo de emergencais, informouse os bombeiros que interviñeron para retirar os listóns da citada estrutura. Tamén se deu aviso á Policía Nacional e Local, ademais de Urxencias Sanitarias 061 que non tivo que intervir.

No seu parte de incidencias, os bombeiros concretan que a menor tiña a cabeza metida entre dous listóns dun valo no patio de xogos. Á súa chegada atopáronse á nena nesa situación e á nai tranquilizándoa.

O equipo que se desprazou ao lugar utilizou un extensor hidráulico para desmontar os listóns e quitar á menor “sen causar máis danos que o susto do momento”.

ÚLTIMAS

As últimas estimacións de voto na Coruña de cara ás Eleccións Xerais do 29N: A loita polo 8º deputado

Hoxe, 19 de novembro é o último día para solicitar o Voto por Correo,...

Manuel Ferreiro guía un novo roteiro da AELG pola Coruña de Pondal

Mentres en Carballo estará Rosalía Fdez. Rial facendo un roteiro, na cidade da Coruña,...

Homenaxe filatélica a Marcial del Adalid

A Casa da Cultura Salvador de Madariaga, en Durán Loriga, estreou onte a nova...

Adxudicadas as obras de remodelación da rúa Vicente Aleixandre

En breve comezarán a obras na rúa Vicente Aleixandre, no barrio do Castrillón. O...