O Colexio de Enxeñeiros de Camiños, Canles e Portos de Galicia vén de emitir un informe no que pon o foco en sete obras que requiren traballos de conservación, rehabilitación señalética e difusión pública.
Así, o II Catálogo de Actuacións no Patrimonio das Obras Públicas recolle dúas obras na provincia da Coruña; dous en Ourense; dous en Pontevedra e unha en Lugo. O Colexio propón actuacións detalladas co obxectivo preservar o valioso patrimonio enxeñeril de sete obras galegas e activar a actividade económica a través do turismo, especialmente en zonas despobladas.
A lonxa do Gran Sol, no Peirao da Palloza (A Coruña), realizada en 1960 por Eduardo García de Dios e Félix Calderón Gaztelu, consérvase nun estado estrutural aceptable, pero presenta signos de envellecemento propios do paso do tempo e do ambiente mariño. Por iso, ven prioritario o seu mantemento operativo con accións de conservación patrimonial e divulgar a relevancia da lonxa na historia económica e portuaria da cidade.
De xeito paralelo, consideran que o Encoro de Meicende está “nun estado xeral satisfactorio”, pero a estrutura de bóvedas múltiples require unha vixilancia continua para garantir a súa estabilidade e estanqueidad. Ademais, os enxeñeiros consideran que a obra debería ser posta en valor como un elemento destacado do patrimonio da enxeñaría civil galega.
O Colexio tamén pon o foco sobre o baluarte Ángulo dos Demos (Murallas de Tui), o depósito de auga dO Castro (Vigo), a rede termal de Ourense, a estación de ferrocarril de Boborás (Ourense) ou o túnel de Montefurado (Quiroga, Lugo).
