Xa nos avanzaba onte Rodrigo Osorio que os colectivos In Nave Civitas e O Mural esperaban novidades esta semana arredor dos 12 murais de Lugrís do nº12 s rúa Olmos.
I é que as entidades convocan unha asemblea para este xoves 14 de maio de 2026, ás 20:30 horas ao Circo de Artesáns, co lema “Salvemos os Frescos de Lugrís”. E consideran que nos últimos anos, os pasos dados polas administracións competentes, tanto Concello como Xunta, sempre chegan despois de accións reivindicativas.
Lembran que os “frescos esmorecen por culpa da ruína do edificio” dende que pechou, en 2021, o local de hostalería que coidaba o baixo. “As inclemencias do tempo, a acción de pombas e ratas e o desleixo das administracións locais e autonómicas” fan o resto.
Entenden que “Cada día que pasa a situación é máis crítica e por iso o colectivo In Nave Civitas e a asociación cultural O Mural queremos convocar a toda a cidadanía interesada e aos colectivos sociais a unha asemblea aberta na que decidir o seguinte paso para solicitar a actuación urxente de Xunta e Concello. Unha intervención dirixida xa e dunha vez a salvar os frescos do Fornos e nos permitir, de novo, o acceso á beleza”, sinalan.
