O cantautor cubano Silvio Rodríguez actuará o próximo 19 de setembro na Coruña, con entradas xa á venda en Ataquilla segundo informa a organización.

Será a única data en Galicia dentro dunha xira coa que regresará aos escenarios españois. A mesma pasará tamén por Barcelona, Zaragoza, Bilbao, Valencia, Sevilla, Murcia e Madrid.

Sobre a xira, remarcan que son 59 anos sobre os escenarios “sen perder a capacidade de dialogar co presente”. “Nese percorrido, Silvio Rodríguez construíu un cancionero no que conviven novas composicións e cancións que forman parte da memoria sentimental e cultural”.

“A súa maneira de entender a canción, entre a poesía, a observación do mundo, a emoción e a conciencia, fixo que moitas das súas composicións deixasen de pertencer unicamente ao seu autor para pasar a formar parte da vida de varias xeracións”, engaden os promotores.